Poema asturiano, de Fernando A. Balbuena. Recita Felipe Prieto


Entá soy aquel neñu de penes inocentes
 que siempre consolaben los mimos de su má.
 Les penes, con los años, ficieronse más fuertes
 y la que yera el pañu de lágrimes, non ta.

 Agora siento acasu otres ansies distintes
 pero ta dientro l'alma la ternura d'ayer,
 cuando vienen les dures cargáes de negres tintes
 non tengo otru consuelu que el tuyu de muyer.

 Y como yes la madre que tienen los mios neños
 faígome yo la cuenta de ser un fiu más
 y busco en tí lo mesmo que en mi má, de pequeñu,
 porque ya non ta ella y yes tu la que tas.

 Y cuando les tus penes t'afueguen en el alma
 non t'apures agora, que el neñu crecerá...
 mataré les mis penes pa a les tuyes dar calma
 y darete el consuelo que te diera tu pá.



(C) Fernando Álvarez Balbuena
Marea Interior
Voz: Felipe Prieto
Selección musical: Juan Taboada
Realización video: María García Esperón
LA CARAVANA DEL VERSO
MMXI